ما معنى محامي وفق وجة نظر محامي مصري

يعني إيه محامِ ؟؟

محامي في الرياض

المحامي حسان عز / جمهورية مصر العربية 

1-يعني تفرح فرح السنين لما تمسك الكارنية أول مرة بعد لما تتخرج 🎉🎓🎓🎉 وتبقي نفسك حد يوقفك في كمين 👮👮علشان تطلعه له وتحس أنكمحامي👔👔 .

2- يعني لما تتدرب 📝📝 في مكتب وتحس انها كام سنة ويبقي عندك مكتب زي دة وتحس ان صاحب المكتب بيمن عليك بالمصاريف💷💷 وهو قابض أتعاب قد كده 💰💰 .

3- يعني لما تلبس الروب أول مرة وتحس أنك أحمد زكي 💪💪 في ضد الحكومة وجاي علشان تحبس 🗿🗿الاشرار وتخرج الابرياء 👼👼ولولا العيب تبقي عاوز الناس تصقفلك 👏👏 .

4- يعني لما تتعامل مع زملائك من نفس الكلية 🎓🎓 هما قضاة ووكلاء نيابة وتشوف التعالي فهم وانتم من نفس الكلية 😢😢😠😠 .بس بعلمك وفهمك بتقدر تثبت نفسك وتاخد حقك .

5- يعني تبقي مضطهد طول الوقت من ضباط الشرطة👮👮 وتحس انك لما تدخل القسم كانك دخلت علي ناس في وقت مش مناسب 😧😧 بس اوعى تتنازل عن حقك او حتى تقبل اى حاجه من دى وواجهم طول ما ليك حق واللى يتعامل غلط افرمه .

6-يعني مطلوب منك طول النهار🌁🌁 محكمة ومشاوير وبالليل مكتب لاخر الليل 🌇🌇 وبعد كدة مذكرات وتجهيز مرافعات 📝📝 ونفسك تنام 💤💤 علشان تصحي بدري لاحسن الجلسة تفوتك 　 .

7-يعني تليفونك 📲📲 مش ملكك ماتقفلوش 📵📵 في اي وقت ⏳⏳ لازم ترد مش مهم انت في جلسة او في بيتك وممكن تكون نايم😴😴 زي البشر او قاعد مع عيلتك 👪👪اللي بتشوفك صدفة😱😱 .

8- يعني مطلوب منك تبقي عارف كل حاجة في الدنيا🌎🌏🌍 وحافظ كل القوانين 📚📚اللي في الدنيا وكل الاجراءات وكل الاماكن وحافظ ارقام قضايا الموكلين .

9-يعني اذا كسبت قضية او اخدت براءة يبقي الله يباركله القاضي كويس وانسان وبيفهم واذا خسرتها يبقي انت السبب وانت اللي ضيعت كل حاجة وممكن يقولك انت متواطئ مع الخصم وينسي لك كل نجاح انت نجحته :/ .

10- يعني لازم يفاصل معاك في الاتعاب 💷💷وغالبا هاياكلك فيها .

11- يعني مطلوب منك انك تلبس احسن لبس👔👖👞 ولازم لبسك يكون شيك طول الوقت⏳⏳.

12-يعني انت تدفع 💷💷ضرايب وانت بترفع الدعوي وضرايب الدخل اخر السنة 💷💷ودلوقتي ضريبة القيمة المضافة مع العلم انك مش بتقدم سلعة .

13-يعني أنت أحد أركان العدالة والشكل ما يكتملش الا بيك ومع ذلك الدولة مش مسئولة عنك لا في مرتب💷💷 ولا معاش دي حتي مش بتأمن عليك مع انك مهنة حرة .

14- يعني ممنوع عليك زيادة دخلك 💷💷بأي شكل تجاري او استثماري لانه لا يجوز لك ان تمارس اي عمل تجاري واذا اشتغلت في شركة🏢🏢 واتأمن عليك تستبعد من القيد .

15- يعني تسمع 👂👂طول عمرك ان في نسبة من المحامين المفروض تتعين في القضاء ولكنها نصوص معطلة بس مش ملغية .

16- يعني من حق الهيئات القضائية بانواعها ورجال الشرطة 👮 👮ان بعد المعاش او خروجة من الخدمة انهم يلتحق بالنقابة وبعدها يزاحمك بحكم علاقاته وسلطاته القديمة .

17-يعني تسمع 👂👂عن الحصانه لكن ما تشوفهاش وتتمسح في نصوص قانونية ودستورية 📚بس بإيدك تثبتها صح وتدافع عنها 📚 وتهلل وتقول احنا قضاء واقف مع ان وضع المحامي في اي دولة في العالم مختلف كتير .

18- يعني لولاك كانت القوانين هتبقي بالأهواء وكانت هتبقي نصوص علي الورق📄📄 ولكن انت اللي اديتها الحياة ووضحت معانيها ووقفت مع الحق طول الوقت القضية بتبقي معاك عشرة سنين لكن القاضي مبيشوفهاش الا يوم الجلسة ولما يحجزها للحكم .

19- يعني المحاماة 👔👔دي أختيارك مش أختيار حد تاني وانت قبلت انك تؤدي الرسالة🎓🎓علشان كدة فلازم تستحمل علشان المحاماة رسالة 🎓🎓قبل ما تكون مهنة 🔨🔧.

20- يعني انت بالرغم من كل اللي فات ده عمرك ما هتسيبها👋👋 لان المحاماة بتجري في عروقة مجري الدم .

#المحاماه

#رساله

#حياه

#إدمان

#عشق_لا_ينتهى

#هنرجع_هيبيتنا

#إنت_الحل