الفكرة النمطية في مهنة المحاماة وخلافها من المهن

ممكن أخد من وقتك دقيقتين و15 ثانية بالظبط عشان اقولك حاجة مهمة هتفيدك ؟

 الفكرة النمطية في مهنة المحاماة وخلافها من المهن

" الفكرة النمطية في المحاماة  أحياناً بتخدع " .

يعني إيه ؟ كمل لاخر البوست هتفيدك فى المحاماه وحياتك المهنيه !

- يعني الفكرة النمطية عن سيدنا عمر بن الخطاب ، انه كان طويل وقوي وشديد جدا والناس كلها بتخاف منه ، لدرجة انه لما كان قاضي محدش راحله بمشكله

بس الحقيقة ان سيدنا عمر كان رقيق القلب جدا وكان ممكن يبات ليله كامله بيبكي بس .

- الفكره النمطية عن الشتاء انك لو بردت هتدفى انما الصيف لا يطاق ، بس الحقيقة ان الجو الشتا ده محدش عارف يستحمله ونفسنا الصيف ييجي بسرعه .

- الفكرة النمطية عن الشباب انه تافه وبيضيع وقته ، لكن الحقيقة ان الشباب عندهم طاقة وقدرة للتغيير وبيحضروا events واعمال مدنيه كتير زي اللي بنشوفها دلوقتي .

- الفكرة النمطية إن بعض القضاه لا يطبقوا القانون ويطبقوه على اهوائهم الشخصيه وتجاهل القانون ، لكن الحقيقه أنت كمحام بعلمك تجبر القاضى على تطبيق القانون وتحقيق العداله .

- سيدى الفاضل عندما ترى الدوله أن المحامين صحوا من غفوتهم ووعوا وباتوا على علم بالقانون وترك أعمال الفهلوه حينئذ سيعى كل من فى الدوله وعلى رأسهم القضاة من نحن وسوف يجبرون على العمل بالقانون واحترام المحامين واحترام عملهم ، كن انت من يجبر القاضي على فتح الكتاب ليقرأ ( وليس العكس ) .

الفكرة النمطية خداعة زي ماقلتلك :/ 

بس خلي بالك ، بتخدعك حتي في الهدف بتاعك او الحلم اللي نفسك تحققه او المستقبل اللي انت راسمه لنفسك ، واكبر دليل علي ده ان الفكرة النمطية دي بتسَخّر حجات كتير اوي ضدك ، وأهم عامل فيهم " الناس " .

هتلاقي الناس تقعد تقولك انت تافه ، استحاله تعرف تعمل الحاجه الفلانية ، او اللي انت بتعمله ده اي حد يقدر يعمله ، او هيكسرو من اهدافك لسبب واحد بس

((( مش عارفين يعملوا زيك )))

شايف الحجات دي كلها ؟ لازم هتحصلك في حياتك ، ودي اختبارات من ربنا ليك ، وكدة كدة لازم هتتعرضلها .

بس الاختبارات دي بتبقى زي check point على أول كل مرحله جديدة ، بتختبرك لو انت جاهز هتعدي منها وهتبدأ مرحله جديده أفضل ، ولو انت مش جاهز هتساعدك انك تجهز وهتصقلك علشان تقدر تستحمل المرحله اللي انت داخل عليها، علشان كده متخافش أبدا من التحديات الصعبة اللي هتقابلك واستعين بالله وانت يتواجهها واعرف انها هديه من ربنا ليك واعرف ان بعدها خير كبير.

ده حتي ربنا قالك في سورة العنكبوت الآية : 69

وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ﴾

طب اقولك ازاي تتغلب علي الإختبارات دي ؟

اختارلك حلم (( إنك تكون أعظم محام فى العالم )) حلم يخض الناس، كلمة كبيرة، تستاهل انك تعيش علشانها (( العداله )) ، وافتكر انك جواك قدرات عظيمة ربنا اللي حطها فيك، وامر الملايكه يسجدوا لادم أبوك عشانها .

انت خليفتة ، انت المسؤل عن الأرض كلها ، عيش لهدف كبير (( تحقيق العداله )) علشان لما تقابل النبي (ص) تبقى فخور باللي هاتقوله، هتقوله انا عشت للعدل ، لسعادة الناس ، لسد احتياجتهم.

انت ربنا خلقك لحاجه كبيرة وأهلك بكل القدرات اللازمه لتحقيق الغاية دي "وكل ميسر لما خلق له"

* أهم حاجه خليك فاكر انك عندك مهارة سحرية، هي مهارة اكتساب المهارات ، يعني انك ممكن تتعلم أي حاجه وده مطلوب فى المحام جدا اعرف حاجه عن كل حاجه ، وممكن لو ناقصك أي مهارة أو خبرة تزودها وتحصل عليها وتتدرب عليها. 

#واتعب علشان كده كده تتعب، هتتعب لو عشت ملكش لازمه من غير هدف، وهتتعب لو بتسعى لهدف، بس ساعتها التعب #هيهون وهيبقى متعة.

- بس نصيحة أخيرة لو كده كده هتتعب ، اتعب علشان حاجه تستاهل ، اتعب علشان حاجه تنفع وتفيد الناس في الدنيا وتنفعك انت في الآخرة ، 

فرح الناس في الدنيا وفرح النبي(ص) لما تقابله في الاخره ربنا هيفرحك في الدنيا والآخره .

👈إنت الحل إبدأ بنفسك وساعتها هنبقى بجد غيرنا من نفسنا وساعتها هنواجه اي حد بعلمنا

يارب الدقيقتين و20 ثانية دول يكونوا فادوك ^_^

#علم_نفسك

#طور_مهاراتك

#محام_وافتخر

#Hassan_Ezz